هاوپەیمانان: بەردەوام دەبین لە هاوکاریکردنی هێزەکانی پێشمەرگە

ئاڤا نیوز

 

هێزەکانی هاوپەیمانان دووپاتی دەکەنەوە، پابەندن بە پاڵپشتیکردنی وەزارەتی پێشمەرگەی هەرێمی کوردستان و ئەمڕۆش ژمارەیەک چەک و تەقەمەنییان ڕادەستی ئەو وەزارەتە کرد.

 

بۆچی گرنگە: هاوکارییەکانی هاوپەیمانان دەبێتە هۆی بەهێزترکردنی توانا سەربازییەکانی هێزەکانی پێشمەرگە.

 

ڕاگەیێنراوی فەرمی: وەزارەتی پێشمەرگە و هاوپەیمانان لە هەولێر کۆبوونەوە و لە ڕێوڕەسمێکدا هاوپەیمانان کاروانێکی چەک و تەقەمەنییان ڕادەستی وەزارەتی پێشمەرگە کرد و لە چوارچێوەیەشدا شۆرەش ئیسماعیل گوتی: "ناوچەکە بەرەو ئاڵۆزییەکی نادیار دەڕوات و دەبێت بە یەک دەنگ ڕووبەڕووی ببینەوە".

 

لەلایەکی دیکەوە: مارک سترۆ، کونسوڵی گشتیی ئەمریکا لە هەرێمی کوردستان گوتی: پابەندی خۆمان دووپات دەکەینەوە بۆ پاڵپشتی بەردەوامی وەزارەتی پێشمەرگە و پێکەوە کار دەکەین بۆ بەرەنگاربوونەوەی مەترسییەکانی ناوچەکە.