زیاتر لە 50 پاڵاوگە لە سنووری پارێزگای هەولێر داخراوە

ئاڤا نیوز

 

قایمقامی هەولێر ڕایگەیاند، سەردانی لەناکاو بۆ کارگە و مۆلیدە ئەهلییەکان دەکەین و لە کەموکوڕییەکان ئاگاداریان دەکەینەوە و کاتێکی دیاریکراویان بۆ چاککردنی پێدەدەین.

 

وێنە گەورەکە: ڕۆژی 04-08-2024، لەلایەن پارێزگاری هەولێرەوە بڕیاری داخستنی 138 پاڵاوگەی نایاسایی درا، هاوکات ماوەی 10 ڕۆژ بۆ پاڵاوگە یاساییەکان دیاریکرا، تاوەکو مەرجە ژینگەییەکان جێبەجێ بکەن.

 

لێدوانی فەرمی: نەبەز عەبدولحەمید، بە ئاڤا نیوزی ڕاگەیاند: سەردانی لەناکاو بۆ کارگە و مۆلیدە ئەهلییەکان دەکرێ، هەر کەموکوڕیەکیان لەڕووی ژینگەییەوە هەبێت ئاگادار دەکرێنەوە، تاوەکو لە ماوەی دوو هەفتەدا چارەسەری بکەن، لە ئەگەر پابەندنەبونیان، بۆجاری دووەم دەدرێنە دادگە و پێبژاردنیان پێ دەکرێت.

 

زانیاریی زیاتر: تاوەکو ئێستا زیاتر لە 50 پاڵاوگە لەسنووری پارێزگای هەولێر داخراون، هاوکات 39 مۆلیدەی ئەهلی داخراون و ئاگادارکردنەوەیان پێدراوە تاوەکو پابەندی ڕێکارەکانبن.

 

هۆکارە زانراوەکان: گرفتی کارگەکان بەدیاریکراوی نەبوونی فلتەر، دووکەڵی زۆر و بۆنە.