کەتائیبی سەیدی شوهەدا: هیچ گرووپێکی ئیسلامی هێرشی نەکردووەتە سەر عەین ئەسەد

ئاڤا نیوز

 

کەتائیبی سەیدی شوهەدای عێراقی نزیک لە ئێران خۆی بێبەری دەکات کە هێرشەکەی سەر بنکەی سەربازیی عەین ئەسەد و دەڵێت، مقاوەمەی غەیرە ئیسلامیش پەیدابووە و هیچ گرووپێکی ئیسلامی هێرشی نەکردووەتە سەر بنکەی سەربازیی عەین ئەسەد لە عێراق.

 

وێنە گەورەکە: ئێوارەی ڕۆژی دووشەممە 05-08-2024، بە چەند مووشەکێک هێرشکرایە سەر بنکەی سەربازیی عەین ئەسەد لە ئەنبار و بەهۆیەوە پێنج سەربازی ئەمریکی برینداربوون.

 

ڕاگەیێنراوی فەرمی: عەباس زەیدی، ئەندامی مەکتەبی سیاسیی کەتائیبی سەیدی شوهەدا لە بەرنامەیەکی تەلەڤزیۆنی ڕایگەیاند، "مقاوەمە تەنیا پەیوەست نییە بە گرووپە ئیسلامییەکان، لەم بارودۆخەی ئێستا و تۆفانی ئەقسا چەندین گرووپی مقاوەمەی عەلمانی و نەتەوەیی و ئایینیی جیاواز هاتوونەتە ئاراوە".

 

زانیاریی زیاتر: لەبارەی وەڵامدانەوەی ئیسرائیل لەلایەن ئێرانەوە عەباس زەیدی گوتی: ئێمە نوێنەرایەتیی ئێران ناکەین و چەکی بەکرێگیراو نین و شەرفەمەند دەبین بە بەشداریکردن لەگەڵ بەرەی مقاوەمە بۆ تۆڵەسەندنەوەی ئیسماعیل هەنیە و فوئاد شوکر.