لە گوندێكی خورماڵ گوللە ڕاجیمەیەك لە نزیك ماڵەكان دەكەوێتە خوارەوە

ئاڤا نیوز

لەگوندی عامورەی سەربەقەزای خورماڵ، گوللە ڕاجیمەیەک لەنزیک ماڵەکان کەوتووەتەخوارەوە.

چیرۆكی سەرەكی: لە گوندی گوڵەخانەی بارەگای سەرەکی پارتی سۆسیالیست دیموکراتی کوردستان لەکاتی تاقیکردنەوەی چەکێک لەجۆری ڕاجیمە، گوللەیەکیان لەدەست دەرچووە و لەگوندی عاموورە کەوتووەتە خوارەوە.

زانیاریی بەدەستهاتوو: سەرچاوەیەک لەگوندی عامورەوە بەئاڤانیوزی گوت: بەهۆی تەقینەوەی گوللە ڕاجیمەکەوە چەند منداڵێک بووراونەتەوە.

لە لایەكی دیكەوە: پەیامنێری ئاڤا پەیوەندی بە ئاساییشی خورماڵەوە کرد" ئەوان ئاگاداری ڕووداوەکەن ئەو زانیارییانەیان پشتڕاستکردەوە کە ئەوگوللەیە لەگوڵەخانەوە تەقێنراوەو لەکاتی تاقیکردنەوەدا لەدەستیان دەرچووە".