ژینگەی هەولێر: ئەو پاڵاوگانەی داخراون دەبێت مۆڵەت وەربگرن

ئاڤا نیوز  

بەرپرسی فەرمانگەی ژینگەی هەولێر ڕایگەیاند، تەنیا دوو پاڵاوگە لە سنووری هەولێر یاسایین و ئەوانی دیكە سەرجەمیان نایاسایین، دەبێت بۆ کردنەوەیان مەرجەکان جێبەجێ بکەن و مۆڵەتیان هەبێت.

وێنە گەورەکە: پارێزگای هەولێر هەڵمەتێکی بۆ کەمکردنەوەی کاریگەرییەکانی دروستبوونی ئەو تەمە چڕەی ئاسمانی هەولێری گرتووەتەوە دەستپێکردووە، بڕیارە سەرجەم پاڵاوگە نایاساییەکان دابخرێن.

لێدوانی فەرمی: دڵشاد هیرانی، بەرپرسی فەرمانگەی ژینگەی هەولێر بە ئاڤا نیوزی گوت: جگە لە هەردوو پاڵاوگەی لاناز و كار، سەرجەم پاڵاوگەكانی دیكەی سنووری هەولێر نایاسایین و دادەخرێن كە ژمارەیان 138 پاڵاوگەیە.

زانیاریی زیاتر: دوای داخستنیان دەبێت سەرجەم پاڵاوگەكان، مۆڵەت لە وەزارەتی سامانە سرووشتییەكان وەربگرن و تەواوی مەرجەكان جێبەجێ بكەن. دڵشاد هیرانی وادەڵێت.

ئەوەش بزانە: ئەو پاڵاوگانەی لە سنووری هەولێر هەن، دوو جۆرن، جۆرێكیان پاڵاوگەی تەواون، بەڵام مۆڵەتیان نییە، جۆرەكەی تر پاڵاوگەی ناتەواون و زیانی زۆریان بۆ ژینگە و تەندروستیی مرۆڤ هەیە.