شێخ دارا: شەپۆلێکی دیکەی بەفر و باران هەرێمی کوردستان دەگرێتەوە

ئاڤا نیوز

بەگوێرەی پێشبینییەکانی کەشوهەوا سبەی شەو لە سەرتاسەری هەرێمی کوردستان بارانبارین دەستپێدەکاتەوە. لە تەواوی ناوچە شاخاوییەکانیش بەفر دەبارێت.

وێنە گەورەکە: ئەم ماوەیە شەپۆلێکی بەفربارین ڕووی لە هەرێمی کوردستان و ناوچە سنوورییەکان کرد، بەهۆیەوە شەختە و ڕێگا بەستن لە بەشێک لەناوچەکان ڕوویدا و لە چەند ناوچەیەک کرایە پشوو. 

لێدوانی فەرمی: شێخ دارا، شارەزا و پێشکەشکاری ئاڤا میدیا ڕایگەیاند، بەپێی پێشبینییەکان، سبەی شەو بارانبارین دەستپێدەکاتەوە و تەواوی هەرێمی کوردستان دەگرێتەوە، ئەگەری هەیە تاوەکو چواری مانگی داهاتوو بەشێوەی پچڕپچڕ بەردەوام بێت.

شێخ دارا، دەڵێت: شەپۆلی بارانبارینەکە لە دەریای سپی ناوەڕاست هەڵدەکات، لەهەمان کاتدا شەپۆلێک لە دەریای سوورەوە نزیک دەبێتەوە و دەبێتە هۆکاری دروستبوونی هەورەتریشقە و چەخماخە و تەرزە، دێتە ناوچەکان کە لەسەر هەرێمی کوردستان لەنگەر دەگرێت و بارانی بە لێزمە و بە خور بە بڕی جیاواز دەبارێت.

٠ هەر لەم دوو شەپۆلەی کە ڕوو لە هەرێمی کوردستان دەکات، دیسان بەفربارین سەرتاسەری ناوچە شاخاوییەکان دەگرێتەوە.