شەپۆلێکی دیکەی بەفر و بارانی سەرتاسەری هەرێمی کوردستان دەگرێتەوە

ئاڤا نیوز

شێخ دارا دەڵێت، کاریگەریی شەپۆلی گەرمی باشوور کۆتایی دێت و لە چەند ڕۆژی داهاتوودا شەپۆلێکی بەهێزی بەفر و باران و هەورەبرووسکە سەرتاسەری هەرێمی کوردستان دەگرێتەوە. ماوەی دوو ڕۆژە پلەکانی گەرما بەهۆی پەستانێکی بەرزی باشوورەوە کەمێک بەرزن، بەڵام بەیانی و دووبەیانی دۆخەکە ئاسایی دەبێتەوە و پلەکانی گەرما ڕوو لە دابەزین دەکەن.

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا دەڵیت، لە شەوی 27 لەسەر 28ـی ئەم مانگە، شەپۆلێکی دەریای سپی ناوەڕاست دەگاتە ناوچەکە و باران و بەفر لە ڕۆژهەڵات و ڕۆژئاوای هەرێمی کوردستان دەستپێدەکاتەوە. لەسەرەتای مانگی داهاتوودا ئەم شەپۆلە لەگەڵ هەوایەکی گەرم و شێداری دەریای سوور تێکەڵ دەبێت، کە بەهۆیەوە هەورەبرووسکە و تەرزەیەکی زۆر سەرتاسەری هەرێمی کوردستان دەگرێتەوە.

زانیاریی زیاتر: پلەکانی گەرمای پێشبینیکراو بەمشێوەیە

٠ هەولێر بەرزترین پلە 10 و نزمترین 4 
٠ سلێمانی بەرزترین پلە 8 و نزمترین سفر
٠ کەرکووک بەرزترین پلە 13 و نزمترین 4
٠ دهۆک بەرزترین پلە 4  و نزمترین 7 پلەی ژێر سفر 
٠ هەڵەبجە بەرزترین پلە 11 و نزمترین  سفر
٠ زاخۆ بەرزترین پلە 9 نزمترین 6
٠ سۆران بورزترین پلە 5 و نزمترین 4 پلەی ژێر سفر
٠ ڕاپەڕین بەرزترین پلە 9 و نزمترین 1
٠ گەرمیان بەرزترین پلە 16 و نزمترین 4