لێدوانی قاسم شەشۆ دوای فەرمانی دەستگیرکردنی

ئاڤا نیوز

 

قاسم شەشۆ فەرماندەی پێشمەرگە لە شنگال دەڵێت "لە میدیاوە زانیویەتی دادگا بڕیاری دەستگیركردنی بۆ دەركردووە و قسەی خۆی دەبێت".

لێدوانی فەرمی: قاسم شەشۆ، فەرماندەی هێزی شنگال بە ئاڤا نیوزی راگەیاند: لە دەزگای میدیاییەوە زانیومە دادگە بڕیاری دەستگیرکردنی بۆ دەرکردووم " لكل حادث حديث" (بۆ هەموو ڕووداوێک قسەی خۆمان دەبێت).

ئەوەی پێویستە بیزانیت: بەتۆمەتی "سوكایەتیكردن بە پێغەمبەری ئیسلام"، دادگه‌ی لێكۆڵینەوەی نەینەوا فەرمانی دەستگیركردنی بۆ قاسم شەشۆ ده‌ركردووە.

 

په‌یامی فه‌رمی: پێشتر قاسم شەشۆ، بە ئاڤا نیوزی ڕاگەیاندبوو:" من هیچ سوكایەتی و بێڕێزییەكم بە ئیسلام و پێغەمبەرەكەی نەكردووە، مەبەستم ئەو كەسە توندڕەوانە بووە كە به‌ناوی ئاینی ئیسلامه‌وه‌ چەندین جار جینۆسایدی ئێزدییەكانیان كردووە".

 

وێنە گەورەکە: ڕۆژی سێی ئەم مانگە و لە مەڕاسیمی یادکردنەوەی جینۆسایدی کوردانی ئێزدی، قاسم شەشۆ فەرماندەی پێشمەرگە لە شنگال چەند قسەیەکی لەبارەی پێغەمبەری ئیسلام کردبوو، ئەمەش ناڕەزایەتی لێكەوتەوە.