نزیکەی حەوت هەزار پرۆژە بەهۆی کەمتەرخەمییەوە سزا دراون

ئاڤا نیوز 

له‌ ماوه‌ی چوار ساڵدا بەهۆی نەبوونی مەرجە ژینگەییه‌كان، شەش هەزار و 754 پرۆژە ڕووبەڕووی دادگە كراونەتەوە.

ڕاگەیێنراوی فەرمی: بەپێی ئاماری ده‌سته‌ی پاراستن و چاككردنی ژینگه‌، بەهۆی نه‌بوونی مه‌رجی گونجاو و له‌گه‌ڵ یاسا و ڕێنماییه‌كانی تایبه‌ت به‌ ژینگه، پێدانی مۆڵەت بە 83 پرۆژە ڕەتكراونەتەوە و چاودێری کردنیشیان بەردەوام دەبێت و هەر کەس و لایەنێکیش لەو بارەیەوە کەمتەرخەمی بکات، سزا دەدرێت.

زانیاریی زیاتر: 163 ده‌رچووی بەشی ژینگه،‌ وه‌كو چاودێر بەسەر پرۆژه‌كانی كه‌رتی تایبه‌تەوە دامه‌زراون و بە ئەركی خۆیان هەڵدەستن.

ژمارەکان وادەڵێن: لە چوار ساڵی ڕابردوودا، نۆهه‌زار و 302 پرۆژه لە سەرجەم پارێزگا و ئیدارە سەربەخۆكانی هەرێمی کوردستان كە مەرجە ژینگەییەكانیان تێدا بووە، مۆڵەتیان پێدراوە.