ئێران "سەدان مووشەکی بالیستیک" ڕەوانەی ڕووسیا دەکات

ئاڤا نیوز

لە چوارچێوەی ڕێککەوتنێکی نێوانیاندا کە 13ـی دیسەمبەر واژو کراوە، ئێران بەم نزیکانە سەدان موشەکی بالیستیکی بۆ ڕووسیا دەنێرێت، مووشەكەكانیش لە دژی ئۆکراینا بەكاردەهێنرێت.

زانیاریی بەدەستهاتوو:ئاژانسی ڕۆیتەرز لە زاری چەند سەرچاوەیەکی هەواڵگریی ئەوروپییەوە بڵاویکردووەتەوە، دەیان ئەفسەری سەربازیی ڕووسیا بۆ ڕاهێنان لە سەر چۆنیەتی بەکارهێنانی سیستەمی موشەکی بالیستیی لە کورتمەودا لە جۆری فاتیح-360 و ئەبابیل لە ئێرانن.

زانیاریی زیاتر: سەرچاوەكانی ڕۆیتەرز ئاماژەیان بەوەشداوە، ئێران ئەو جۆرە مووشەکە بالیستیکیانە، کە لە ڕێگەی مانگی دەستکردەوە ئاراستە دەکرێن، بۆ ڕووسیا دەنێرێت. 

وێنە گەورەكە: لە شوباتی 2022ـەوە ڕووسیا و ئۆکراینا لە شەڕدان. ئەمریکا و ئەوروپا یارمەتیی ئۆکراینا دەدەن و بەردەوام ڕەخنەیان لە ئێران، کۆریای باکوور و چین گرتووە کە نابێت یارمەتیی ڕووسیا بدەن.