10 ساڵ پێش ئێستا مەخموور لەدەستی داعش ڕزگار کرا

ئاڤا نیوز

ئەمڕۆ 10 ساڵ بەسەر ئازادکردنی شارۆچكەی مەخموور، لە چنگی چەکدارانی داعش لەسەر دەستی هێزی پێشمەرگە تێپەڕدەبێت.

وێنە گەورەكە: لە 7-8-2014، ڕێکخراوی داعش، هێرشی کردە سەر قەزای مەخموور داگیری کرد و ژیانی خەڵکەکەی خستە مەترسییەکی گەورەوە.

لێدوانی فەرمیی: عەلی حوسێن، بەرپرسی مەکتەبی رێکخستنی پارتی دیمووکراتی کوردستان لە پارێزگای سلێمانی و هەڵەبجە بە ئاڤا نیوزی گوت: بە فەرمان و سەرپەرشتی سەرۆك بارزانی، ڕۆژی 10-8 2014، تەنیا دوای سێ ڕۆژ لە داگیركردنی، ھێزی پێشمەرگەی كوردستان ھێرشی كردە سەر مەخموور و توانی لە ماوەی یەك كاتژمێردا ئازادی بکەن.

ئەوەی پێویستە بیزانیت: فەرماندە باڵا سەربازییەکانی پێشمەرگە دەڵێن، یەكەم گوللـە بەرامبەر بە داعش لەلایەن پێشمەرگەوە تەقێنرا، دواتر ھاوپەیمانان ھاوكاری هێزی پێشمەرگەیان كرد و ئەوان لە ئاسمان و پێشمەرگەش لەسەر زەوی توندڕەوترین ڕێكخراویان تێكشاند.