عێراق لیژنەیەک بۆ چارەسەرکردنی گرفتی کرێکارانی بیانی پێکدەهێنێت

ئاڤا نیوز

حکومەتی عێراق لیژنەیەکی تایبەت بۆ پرسی کرێکارانی بیانی پێکدەهێنێت، تەنیا لە شەش مانگی سەرەتای ئەمساڵیشدا هەزاران کرێکاری بیانی دیپۆرتکراونەتەوە وڵاتەکانیان. 

وێنە گەورەکە: وەزارەتی ناوخۆی عێراق بەهەماهەنگی چەند وەزارەتێک لیژنەیەکی تایبەتی بۆ چارەسەرکردنی گرفتی کرێکارانی بیانی پێکهێناوە کە زۆربەیان بە قاچاخی دێنە عێراق و مۆڵەتی فەرمییان نییە.

ڕاگەیێنراوی فەرمی: میقداد میری، گوتەبێژی وەزارەتی ناوخۆ ڕایگەیاند: لیژنەکە لە نوێنەرانی وەزارەتەکانی کۆچ و کۆچبەران و کار و کاروباری کۆمەڵایەتی و دەستەی هەواڵگیری پێکهاتووە، لە هەفتەی ڕابردوودا یەکەم کۆبوونەوەی ئەنجامدا و پرسی کرێکارانی بیانی تاوتوێکرا.

زانیاریی زیاتر: بەگوتەی میقداد میری، لە نیوەی یەکەمی ئەمساڵدا 12 هەزار هاووڵاتی بیانی دیپۆرتکراوەنەتەوە.