بەرەی تورکمانی دابەشکردنی پۆستەکانی کەرکووک ڕەتدەکاتەوە

ئاڤا نیوز

 

بەرەی تورکمانی پرۆسەی دابەشکردنی پۆستە سەرەکییەکانی پارێزگا و ئەنجوومەنی پارێزگای کەرکووک ڕەتدەکاتەوە.

 

وێنە گەورەکە: شەوی 10-08-2024 لە بەغدا ئەنجوومەنی پارێزگای کەرکووک بە ئامادەبوونی نۆ ئەندام لە کۆی 16 ئەندام کۆبووەوە، تێیدا پارێزگار و سەرۆکی  ئەنجوومەنی پارێزگایان هەڵبژارد کە  دوو نوێنەرەکەی بەرەی تورکمانی، دوو نوێنەرەکەی پارتی و سێ ئەندامی پێکهاتەی عەرەبیش بایکۆتی کۆبوونەوەکەیان کرد.

 

ڕاگەیێنراوی فەرمی: حەسەن تۆران، سەرۆکی بەرەی تورکمانی لە کۆنگرەیەکی ڕۆژنامەوانی ڕایگەیاند: دان بە پارێزگار و سەرۆکی ئەنجوومەنی کەرکووکدا نانێین و ڕەتیدەکەینەوە، کۆمەڵە پێشێلکاریی یاسایی لە کۆبوونەوەکەدا کراون و بە نهێنی کراوە.

 

زانیاریی زیاتر: حەسەن تۆران گوتیشی پەنا دەبەینە بەر دادگەی عێراقی و داوا دەکەین کۆبوونەوەکەی دوێنێ هەڵبوەشێتەوە و کێشەی کەرکووک بە دابەشکردنی پۆستەکان چارەسەر ناکرێن و ئەو پۆستانەی بۆمان دیاریکراوە وەریناگرین تاوەکو دوای یەکلاکردنەوەی سکاڵاکە.