ئاکسیۆس: ئیسرائیل پێشبینی دەکات لە ڕۆژانی داهاتوو ئێران هێرش بکات

ئاڤا نیوز 

بە پێی هەواڵێکی ماڵپەڕی ئاکسیۆس، هەواڵگریی ئیسرائیل پێشبینی دەکات هێرشە چاوەڕوانکراوەکەی ئێران لە چەند ڕۆژی داهاتوو دەستپێبکات.

وێنە گەورەكە: ئیسماعیل هەنییە، لە ڕۆژی چوارشەممە 31-7-2024 لە تارانی پایتەختی ئێران كوژرا، ئێران و گرووپە چەكدارەكانی نزیك لێی هەڕەشەی تۆڵەسەندنەوە لە ئیسرائیل دەكەن.

ئەوەی پێویستە بیزانیت: هەڵسەنگاندنی ئیسرائیل ئەوە دەردەخات هێرشەکەی ئێران پێش دانووستانەکانی ڕێککەوتنی ئاگربەستی غەززە دەبێت. کە بۆ ڕۆژی پێنجشەممە پلانی بۆ دانراوە، ئەمەش دانووستانەکان دەخاتە مەترسییەوە. 

لێدوانی فەرمی: ڕۆژی یەکشەممە، وەزیری بەرگریی ئیسرائیل لەکاتی سەردانکردنی بۆ یەکەیەکی سوپاکەی ڕایگەیاند: "ئێران و حیزبوڵلای لوبنانی هەڕەشەی زیانگەیاندمان لێدەکەن، بەڵام پێدەچێت ئەمجارە جیاوازتربێت".  

لە لایەکی دیکەوە: وەزارەتی بەرگریی ئەمریکا  دوو کەشتیی ژێردەریایی ئەتۆمی ڕەوانەی ئاوی دەریای ناوەڕاست کردووە.