ژمارەی یەكەمی ژۆڕناڵی ئاوەز كەوتە بەردیدی خوێنەران

ئاڤا نیوز

ئاوەز ژۆڕناڵێكی وەرزانەی هزری،مەعریفی و تیۆرییە گرنگی بە فەلسەفەو زانست و ئاوەزگەری دەدات.

وێنە گەورەكە: ئاوەز (بەمانای عەقڵ دێت) لە كاتێكدا دەردەچێت كە لەناو جڤاتی كوردیدا یەك ژۆڕناڵ یا گۆڤاری فیكری-فەلسەفی لەئارادا نییە و جڤاتەكە سیخناخە لەو هێزانەی كە دژی ئاوەز و دژی ئازادی و دژی زانست و فەلسەفەن. 

ئەوەی پێویستە بیزانیت: ژۆڕناڵی ئاوەز چاوی لەوە بڕیوە ببێتە مینبەرێك بۆ هەموو ئەو نووسەر و ڕۆشنبیرو بیرمەندانەی كە داكۆكی لەئاوەزگەری و زانست دەكەن.

زانیاریی زیاتر: ئاوەز لە سێ بەش پێكدێت: باس و لێكۆڵینەوە و تەوەرەی ژمارە و خوێندنەوەی كتێب. تەوەرەی ژمارەی یەكەم تایبەتە بە (زمان و ناسنامە)، تەوەرەی ژمارەی داهاتوو تایبەت دەبێت بە (زانست).

باكگراوند: فاروق ڕەفیق، سەرنووسەری ژۆڕناڵەكەیەو دامەزراوەی (كوردستان  كڕۆنیكەڵ) سپۆنسەری ئەم بڵاوكراوەیە دەكات.