چەند هێزێكی وەزارەتی پێشمەرگە لە هاوكاریی دارایی هاوپەیمانان بێبەش دەبن

ئاڤا نیوز

 

وەزیری پێشمەرگە لەبارەی بێبەشبوونی لیوایەک و چەند فەوجێكی پیادەی سەر بە وەزارەتی پێشمەرگە لە هاوكاریی دارایی مانگانەی هاوپەیمانان ڕوونکردنەوە دەدات.

 

چیرۆكی سەرەكی: ئەمڕۆ سێشەممە 13-8-2024، بە سەرپەرشتی شۆڕش ئیسماعیل، وەزیری پێشمەرگە، کۆبوونەوەیەکی گرنگ لەنێوان وەزارەتی پێشمەرگە و تیمی ڕاوێژکارانی سەربازیی هاوپەیمانانی لە هەرێمی کوردستان بەڕێوەچوو. 

 

زانیاریی بەدەستهاتوو: بەپێی زانیارییەكانی ئاڤا نیوز، مانگی ڕابردوو ئەو هاوكارییە داراییەی كە مانگانە لەلایەن هاوپەیمانانەوە دەدرێت بە لیواكانی پیادەی وەزارەتی پێشمەرگە بە لیوای 9 و ژمارەیەک فەوجی دیكەی هاوبەشی پێشمەرگە نەدراوە.

 

ڕاگەیێنراوی فەرمی: بەپێی ڕاگەیێنراوێكی وەزارەتی پێشمەرگە، لەمیانی كۆبوونەوەكەدا، شۆڕش ئیسماعیل ڕایگەیاندووە: داوامان لە هاوپەیمانان کردووە هاوکارمان بن لە چارەسەرکردنی کێشەکان تاوەکو لە مانگەکانی داهاتوو ئەو هێزانەش سوودمەند بن لە هاوکاریی مانگانەی هاوپەیمانان کە بۆ لیواکانی پیادەی وەزارەتی پێشمەرگە دابین دەکرێت.