تورکیا سنووری قەزای ماوەت بۆردوومان دەکات

ئاڤا نیوز

 

قایمقامی قەزای ماوەت ڕایگەیاند، بە فڕۆکەی جەنگیی تورکیا گوندێکی سنوورەکەمان بۆردوومان کراوە.

 

وێنە گەورەکە: تورکیا لەڕێگەی درۆن و فڕۆکەی جەنگییەوە ئەو ناوچانەی گومانی هەبوونی پەکەکەی لێ دەکات بۆردوومانی دەکات، سنووری قەزای ماوەتیش زۆرجار بەر بۆردوومانەکانی فڕۆکەکانی تورکیا دەکەوێت.

 

لێدوانی فەرمی: کامەران حەسەن بە ئاڤا نیوزی گوت: کاتژمێر 3:45 خولەکی پاش نیوەڕۆی ئەمڕۆ سنووری گوندی باساوێ لە قەزای ماوەت لەلایەن فڕۆکە جەنگییەکانی تورکیاوە بۆردوقمان کرا.

 

زانیاریی زیاتر: بۆردوومانەکە زەرەر و زیانی گیانی و ماددی نەبووە، هەروەها نەبووەتە هۆی دروستبوونی ئاگریش.

 

قووڵتر: ناوە ناوە فڕۆکە جەنگییەکانی تورکیا سنووری قەزای ماوەت بە بیانووی هەبوونی چەکدارانی پەکەکە بۆردومان دەکات.