سەرۆکی بەرەی تورکمانی عێراق: دڵنیاین دادگەی فیدراڵی مافمان بۆ دەگەڕێنێتەوە

ئاڤا نیوز

 

لایەنە پەراوێزخراوەکانی کەرکووک دژی دانانی پارێزگار و سەرۆکی ئەنجوومەن، خۆپێشاندانیان دەکەن و داوای گەڕانەوەی مافەکانیان دەکەن.

 

وێنە گەورەكە: ئێوارەی ئەمڕۆ دژی دانانی پارێزگار و سەرۆكی ئەنجوومەنی پارێزگا، خۆپێشاندانی بەشێک لە پێكهاتەی عەرەب و بەرەی توركمانی لە كەركووک دەستیپێكردووە و ئێستاش بەردەوامە.

 

لێدوانی فەرمی: حەسەن توران، سەرۆکی بەرەی تورکمانی عێراق ڕایگەیاند: ئەوەی بەرامبەر پێکهاتەکانی شاری کەرکووک کراوە، پێشێلی یاسا و پێکەوەژیانە بۆیە قبووڵ ناکرێت و دەبێت پارێزگار لە کەرکووک بڕیاری لەسەر بدرێت نەک شوێنی دیکە.

 

لە لایەکی دیکەوە: راکان جبووری پارێزگاری پێشووی کەرکووک و ئەندامی ئێستای ئەنجوومەن گوتی: لەگەڵ تورکمان یەک هەڵوێستمان هەیە و ڕێگە نادەین حکومەتی خۆجێیی ئێستای کەرکووک سەرکەوتووبێت.