هێزە ئەمنییەكانی كەركووک زیاتر لە 10 خۆپێشاندەر دەستگیر دەکەن

ئاڤا نیوز

 

خۆپێشاندانی بەشێک لە پێكهاتەی عەرەب و لایەنگرانی بەرەی توركمانی لە كەركووک بەردەوامە و گرژیی تێكەوت و ژمارەیەک خۆپێشاندەر دەستگیركران.

 

وێنە گەورەکە: ئێوارەی ئەمڕۆ 13-8-2024، بەشێک لە لایەنگرانی هاوپەیمانیی عەرەبی و لایەنە تورکمانییەکان لەبەردەم باڵەخانەی پارێزگای کەرکووک خۆپێشاندانیان کرد و داوای هەڵوەشاندنەوەی حکومەتی خۆجێیان کرد.

 

زانیاریی پەیامنێر: ڕۆكان مەحموود، پەیامنێری ئاڤا لە كەركووک ڕایگەیاند: كەمێک پێش ئێستا گرژیی كەوتە نێوان خۆپێشاندەران و هێزە ئەمنییەكان، زیاتر لە 10 خۆپێشاندەر دەستگیرکراون.

 

ئەوەش بزانە: كاتژمێر 6:00ـی ئێوارەی ئەمڕۆ خۆپێشاندانەكە دەستی پێكردووە و  خۆپێشاندەرەكان چەند جارێک هەوڵیان داوە بچنە نێو باڵەخانەی پارێزگای كەركووكەوە.