لە هەولێر 33 كامێرای دیكەی جێگیری تۆماركردنی تیژڕۆیی دەخرێنە كار

ئاڤا نیوز

 

بەڕێوەبەرایەتیی هاتووچۆی هەولێر ئاشكرای دەكات كە لەسبەینێوە زیاتر لە 30 كامێرای دیكەی تۆماركردنی تیژڕۆیی لە شەقامەكانی شاری هەولێر دەخرێنە كار.

 

ڕاگەیێنراوێ فەرمی: بەڕێوەبەرایەتیی هاتووچۆی هەولێر ڕایگەیاند: سبەی چوارشەممە ڕێکكەوتی 14-8-2024، کامێراکانی تۆماركردنی سەرپێچی تیژڕۆیی جێگیر لە ژمارەیەک شەقامی شاری هەولێر دەخرێنەكار بە شێوەی ئەزموونی، تاوەكو ڕێككەوتی 23-8-2024 لەدوای ئەو ڕێككەوتەوە سەرپێچییەكان تۆمار دەكرێن.

 

زانیاریی زیاتر: هاتووچۆی هەولێر ئاماژەی بە ئەوەش داوە كە لەو شەقامانە پێشووتر كامێرای گەڕۆک هەبووە، بەڵام ئێستا كراون بە كامێرای جێگیر.