ڕێبوار تەها وەک پارێزگاری کەرکووک سوێندی یاسایی دەخوات

ئاڤا نیوز 

 

ئەمڕۆ ڕێبوار تەها لە دادگەی کەرکووک وەک پارێزگاری نوێ سوێندی یاسایی خوارد و دواتریش لە دیوانی پارێزگای کەرکووک دەستبەکاردەبێت.

 

وێنە گەورەکە: ڕۆژی شەممە 10-08-2024 دانیشتنی ئەنجوومەنی پارێزگای کەرکووک بەبێ بەشداری تورکمان و بەشێکی عەرەبەکان بەڕێوەچوو و ڕێبوار تەها، وەک پارێزگار دەستنیشان کرا، پاشان د.عەبدوللەتیف ڕەشید، سەرۆککۆماری عێراق مەرسوومی کۆماری بۆ دەستبەکاربوونی دەرکرد.

 

لە پەیامنێرەوە: سەرلەبەیانی ئەمڕۆ ڕێبوار تەها چووەتە دادگەی کەرکووک و لەبەردەم دادوەر سوێندی یاسایی دەخوات، ئەوەش وەک ڕێکارێکی تەواوکاری بۆ دەستبەکاربوونی لە پۆستەکەیدا، دوای ئەوەی دوێنێ مەرسوومی کۆماری بۆ دەستبەکاربوونی دەرکرا.

 

کاریگەری و لێکەوتەکانی: دەستبەکاربوونی ڕێبوار تەها ڕووبەڕووی ناڕەزایی تورکمانەکان و بەشێک لە پێکهاتەی عەرەبی بووەتەوە، هاوکات پارتیش دەڵێت، کۆبوونەوەی هەڵبژاردنی پارێزگاری کەرکووک نایاسایی بوو.