سەرۆکوەزیرانی ئەفغانستان: حوکمی شەریعەی ئیسلام دەپارێزین

ئاڤا نیوز

حەسەن ئاخوند، سەرۆکوەزیرانی ئەفغانستان بەبۆنەی سێیەمین  ساڵیادی گەڕانەوەی دەسەڵاتی تاڵیبان، جەخت دەکاتەوە پارێزگاری لە حوکمی شەریعەی ئیسلام دەکەن.

وێنە گەورەکە: لە ماوەی سێ ساڵی دەسەڵاتداری حکومەتی تاڵیبان،  بەهۆی ئابڵووقە داراییەکانەوە خەڵکی ئەفغانستان بەدەست هەژارییەوە دەناڵێنن. 

لێدوانی فەرمی: محەممەد حەسەن ئاخوند، سەرۆکوەزیرانی تاڵیبان ڕایگەیاند: "وەک دەسەڵاتدارانی تاڵیبان بەرپرسیارێتیی پاراستنی دەسەڵاتی ئیسلامی و پاراستنی موڵک و ماڵی خەڵک و ڕێزگرتنی میللەتەکەمان لەئەستۆیە".

ئەوەی ئێستا ڕوودەدات: ژمارەی دانیشتووانی ئەفغانستان 45 ملیۆن کەسە، بەهۆی ئەوەی هیچ وڵاتێک دان بە حکومەتی تاڵیباندا نانێت، هاوکارییەکانی گەشەپێدان وەستان و هاوکارییە مرۆییەکان لەو وڵاتە داڕماون، بەجۆرێک ئێستا یەک لەسەر سێی دانیشتووانی وڵاتەکە لەژێر هێڵی هەژاریدان.