زیاتر لە 15 هەزار پارچە زەویی کارت لە هەولێر تاپۆ دەکرێن

ئاڤا نیوز

 

پارێزگاری هەولێر ڕایگەیاند، پڕۆسەی تاپۆکردنی زەوی لە سنووری شارەوانییەکانی هەولێر بەردەوامە و 15 هەزار و 432 زەویی کارت تۆمار دەکرێن. 

 

لێدوانی فەرمی: ئومێد خۆشناو، پارێزگاری هەولێر ڕایگەیاند: لەسەر ڕاسپاردەی سەرۆکوەزیران بارزانی، پرۆسەی تاپۆکرنی زەوی لە سنووری شارەوانییەکانی هەولێر بەردەوامە و ئێستا 15 هەزار و 432 پارچە زەوی دیکە تاپۆ دەکرێن لە ماوەی دوو تاوەکو سێ هەفتەی دیکە وێنەی تۆماریان ئامادە دەبێت.

 

زانیاریی زیاتر: پێشتریش 55 هەزار و 695 پارچە زەوی وێنەی تۆماریان بۆ دەرکراوە کە پێشتر کارت بوون، واتە ئێستا تەنیا 25 هەزار کارت دەمێنێتەوە ئەوانیش لە داهاتوویەکی نزیکدا مامەڵەی کارتیان بۆ دەکرێت. 

 

پێدراوە ڕاستەکان: ئەو گەڕەکانەی تاپۆ دەکرێن، بریتین لە: پارچە زەوییەکانی کەرتی گوڵان لە سنووری بنەسڵاوە و کەرتی 105 گرد داود لە سنووری سەرۆکایەتیی شەمامک، گەڕەکی دیلان، ڕاستی، کۆمەڵگەی ژین لە سنووری شارەوانی بەحرکە، گەڕەکی کۆمەڵگەی دیداری لە خەبات و باغەمرە شەهاب، بەشی 15 گردەڕەشە، کەرتی 95 کەسنەزان، کارتەکانی گەڕەکی پێشمەرگە لە سنووری بەحرکە، کەرتی 42ـی کانی قرژاڵە، گەڕەکی ژینی دارەتوو.