ئەمریكا پشتیوانی خۆی بۆ هەرێمی كوردستان دووپات دەكاتەوە

ئاڤا نیوز 

سەرۆکایەتی هەرێمی کوردستان ڕایگەیاند، لە کۆبوونەوەی نێوان سەرۆکی هەرێمی کوردستان و کۆنسوڵی گشتیی ئەمریکا کۆمەڵێک پرسی گرنگ و پەیوەندیدار بە هەرێم و عێراق و ناوچەکە تاوتوێ کران.

وێنە گەورەکە: ڕۆژی 14-8-2024، ستێڤ بیتنەر کونسوڵی گشتیی ئەمریکا لە هەرێمی كوردستان دەستبەكاربوو، بۆ ئەو مەبەستەش سەردانی نێچیرڤان بارزانی سەرۆكی هەرێمی كوردستانی كرد.

ڕاگەیێنراوی فەرمی: سەرۆکایەتی هەرێمی کوردستان بڵاویکردەوە: نێچیرڤان بارزانی خواستی هەرێمی کوردستانی بۆ برەودان بە هاریکاری هاوبەش و پەیوەندییەکانی لەگەڵ ئەمریکا دووپاتکردەوە.
زانیاری زیاتر: کۆنسوڵی گشتیی ئەمریکا پشتگیری و هاوبەشی و هاوپەیمانی وڵاتەکەی لەگەڵ عێراق و هەرێمی کوردستان دووپات کردەوە.

بابەتی ستراتیژی: گرنگی هەڵبژاردن، پەیوەندییەکانی هەولێر-بەغدا، دۆخی ناوخۆی عێراق و هەرێمی کوردستان و دواین پێشهاتەکانی ناوچەکە، بەگشتیی تەوەرێکی دیکەی گفتوگۆکان بوو.