بەریتانیا له پاشماوەی ئەلیكترۆنی زێڕ بەرهەمدەهێنێت

ئاڤا نیوز 

کۆمپانیایەکی بەریتانی، کارگەیەکی نوێی لە باشووری وێڵز  دامەزراندووە، ساڵانە چوار هەزار تۆن پارچە سکەی زێڕ لە پاشماوە ئەلیکترۆنییەکان بەرهەمدەهێنێت.

وێنە گەورەکە: کۆمپانیای ڕۆیال مینت لە باشووری وێلز کارگەیەکی دامەزراندووە بۆ دووبارە بەکارهێنانی پاشماوە ئەلیکترۆنیەکان، وەک مۆبایل و تەلەڤزیۆنی کۆن بۆ دروستکردنی زێڕ.

ئەوەی پێویستە بیزانیت: بەریتانیا بە یەکێک لە خراپترین ئەو وڵاتانە دادەنرێت، کە دووبارە پاشماوە ئەلیکترۆنییەکان بەکاردەهێنن،  بڕەکەشی 25 کیلۆگرامە بۆ هەر کەسێک.

بۆچی گرنگە: دامەزراندنی ئەم کارگەیە، دەبێتە هۆکاری کەمبوونەوەی پاشماوە ئەلیکترۆنییەکانی بەریتانیا و بوژاندنەوەی کەرتی ئابووری لە وڵاتەکەدا.