ڕەزامەندی لەسەر خەرجكردنی نۆ ملیار دینار بۆ زیندانیان و گیراوانی سیاسی درا

ئاڤا نیوز  

وەزارەتی دارایی حكومەتی هەرێمی كوردستان، ڕەزامەندیی دا لەسەر خەرجكردنی نزیكەی نۆ ملیار دینار بۆ زیندانیكراوان و گیراوانی سیاسی.

وێنە گەورەكە: لەسەر بنەمای نووسراوێكی وەزارەتی شەهیدان، سەرۆكایەتیی دیوانی ئەنجوومەنی وەزیران نووسراوێك ئاڕاستەی وەزارەتی دارایی دەكات، سەبارەت بە هەڵوێستی وەزارەتەكە لەبارەی خەرجكردنی مینحەی زیندانیكراوان و گیراوانی سیاسی.

نووسراوی فەرمی: لە نووسراوەكەدا وەزارەتی دارایی ئاماژەی بەوە داوە، لاریی نییە لەسەر خەرجكردنی هەشت ملیار و هەشت سەد و بیست و حەوت ملیۆن و حەوت سەد و پەنجا هەزار دینار، وەك مینحە بۆ (19592) زیندانیكراو و گیراوی سیاسی، كە بەهۆی قەیرانی داراییەوە ماوەی (10) ساڵە وەریان نەگرتووە.

ئەوەی پێویستە بیزانیت: وەزارەتی دارایی هەرێمی كوردستان دەڵێت: ئەو زیندانیكراو و گیراوە سیاسییانە سەرجەم ڕێككارە یاساییەكانیان تەواو بووە.

وێنەی نووسراوەکە