هاککەرە ئێرانییەکان هێرشدەکەنە سەر کەمپەینەکانی هاریس و ترەمپ

ئاڤا نیوز

کۆمپانیای گووگڵ ڕایگەیاند گرووپێک هاکكەری سەر بە ئێران بە ناوی APT42 کە لەگەڵ سوپای پاسداران لە پەیوەندیدان، هێرش دەکەنە سەر کەمپەینی هەڵبژاردنی بەربژێرەکانی سەرۆکایەتیی ئەمریکا کامالا هاریس و دۆناڵد ترەمپ. 

وێنە گەورەكە: وەزارەتی دەرەوەی ئەمریکا هۆشداری داوە بە ئێران کە هەر جۆرە دەستتێوەردانێک لە هەڵبژاردنەکانی ئەمریكا لێکەوتەی جددی بەدوادا دێت.

ئەوەی پێویستە بیزانیت: هاککەرەکان هەوڵیان داوە دەستیان بگات بە زانیاریی کەسی و هەژمارەی ئیمەیڵی کەسانی ناو کەمپەینی هەڵبژاردنەکان. 

زانیاریی زیاتر: هێرشەکانی APT42 زیاتر بۆ سەر چەند ئامانجێکە لە هەر یەکە لە وڵاتانی ئەمریکا و ئیسرائیل.