بەڕازیل و کۆڵۆمبیا داوای دووبارەکردنەوەی هەڵبژاردنەکانی ڤەنزوێلا دەکەن

ئاڤا نیوز

 

هەر یەکە لە بەڕازیل و کۆڵۆمبیا داوا دەکەن بۆ چارەسەری کێشەکانی نێوان دەستەڵات و ئۆپۆزیسیۆن لە ڤەنزوێلا، هەڵبژاردنەکانی سەرۆکایەتیی ئەو وڵاتە دووبارە بکرێنەوە. 

 

وێنە گەورەکە: نیکۆلاس مادورۆ، سەرۆکی ڤەنزوێلا، سەرکەوتنی لە هەڵبژاردنەکانی ئەو وڵاتە ڕاگەیاند کە لە 28-7-2024 بەڕێوەچوون، بەڵام ئۆپۆزیسیۆن ڕەتیکردەوە دان بە ئەنجامەکاندا بنێ و ئەمەش شەپۆلێکی ناڕەزایی و خۆپێشاندانی بە دوای خۆیدا هێنا. 

 

بۆچوونی لایەنی بەرامبەر: ماریا کۆرینا ماچادۆ، ڕێبەری ئۆپۆزیسیۆنی ڤەنزوێلا، پێشنیازەکەی بەڕازیل و کۆڵۆمبیا ڕەتکردەوە و ڕایگەیاند، ئەوان براوەی هەڵبژاردنەکان بوون و مادورۆ ڕادەستکردنی دەستەڵاتی ڕەتکردووەتەوە.