ئۆکرانیا نووسینگەیەکی سەربازیی لە ناو خاکی ڕووسیا دەکاتەوە

ئاڤا نیوز

 

ئۆکراینا نووسینگەیەکی بەڕێوەبەرایەتیی سەربازیی لە هەرێمی کورسک لە ڕۆژئاوای ڕووسیا کردووەتەوە؛ ئۆکراینا لە هێرشێکی پێچەوانەدا ئەم ناوچەیەی ڕووسیای داگیر کردووە.

 

وێنە گەورەکە: سوپای ئۆکراینا ڕایگەیاندووە ئەرکی ئەم نووسینگەیە "پاراستنی سیستەم و یاسا" و "جێبەجێکردنی داخوازییە بەپەلەکانی" دانیشتووانی ناوچەکە دەبێت.

 

لەلایەکی دیکەوە: هەر یەکە لە ئۆکراینا و ڕووسیا بانگەشەی ئەوە دەکەن کە لە ڕۆژانی ڕابردوودا لە بەرەکانی شەڕ لە هەرێمی کورسک پێشڕەوییان کردووە. 

 

ئەوەی پێویستە بیزانیت: ئۆکراینا بە قووڵایی 35 کیلۆمەتر چووەتە ناو خاکی ڕووسیا، 1150 کیلۆمەتر لە خاکی ڕووسیای داگیر کردووە کە 82 شارۆچکە و گوند لەخۆدەگرێت.