ئەمریكا: هێزەكانمان توانایەكی باشیان هەیە بۆ بەرگریكردن لە ئیسرائیل

‎ئاڤا نیوز 

‎وەزیری بەرگریی ئەمریکا و وەزیری بەرگریی ئیسرائیل، تاوتوێی گرژییەکانی ڕۆژهەڵاتی ناوەڕاست و هەڕەشەکانی ئێران و حیزبوڵڵای لوبنانیان كرد.

‎وێنە گەورەكە: لە تۆڵەی كوشتنی ئیسماعیل هەنییە، سەرۆكی مەكتەبی سیاسی حەماس لە تاران، ئێران هەڕەشەی بە ئامانجگرتنی ئیسرائیل دەكات، ئەمریكاش ڕایگەیاندووە ئیسرائیل دەپارێزێت.   

‎لێدوانی فەرمی: لۆید ئۆستن، وەزیری بەرگریی ئەمریکا لە پەیامێكدا لە تۆڕی "ئێكس" دڵنیایی دەدات، هێزەکانی ئەمریکا پێگەیەکی باشیان هەیە بۆ بەرگریکردن لە ئیسرائیل و پاراستنی بەرژەوەندییەکانی ئەمریکا لە ڕۆژهەڵاتی ناوەڕاست.  

‎زانیاریی زیاتر: هەردوو وەزیر باس لە دانوستانەکانی ئاگربەست لە غەززە و ئازادکردنی هەموو بارمتەکان دەکەن، کە هەشت ئەمریکیشیان تێیدایە.