چوارەمین فێستیڤاڵی شانۆی کەرکووک دەستپێدەکات

ئاڤا نیوز

چوارەمین فێستیڤاڵی شانۆی کەرکووک، بە  دروشمی (هێز، شوناس و خۆڕاگری) دەستپێدەکات.

وێنە گەورەکە: بڕیارە چواری ئەیلوول ببێتە دەستپێکی چوارەمین خولی شانۆی کەرکووک کە بۆ ئەمساڵ بە خولی فەلەکەدین کاکەیی ناسراوە، تێیدا چەندین گرووپی شانۆیی لە هەر چوارپارچەی کوردستانەوە بەشدارییان کردووە و ماوەی پێنج رۆژ بەردەوام دەبێت.

لێدوانی  تایبەت: شکۆ عومەر، بەڕێوەبەری فێستیڤاڵەکە بە ئاڤانیوزی گوت: لیژنەی باڵای فێستیڤاڵ 13 نمایشی شانۆیی وەرگرتووە بۆ هەردوو بەشی شانۆی هۆڵ و پانتایی کراوە، لەگەڵ ئەوەشدا چوار سیمیناری زانستی بۆ هەشت توێژەر ڕێکدەخرێت.  

زانیاریی زیاتر: ناونانی ئەم خولە بەناوی فەلەکەدین کاکەیی، دەگەڕێتەوە بۆ پێگەی ئەو لە کایەکانی ئەدەب و رۆشنبیریی کوردیدا.

ئەوەی پێویستە بیزانیت: پێشبڕکێی خەڵاتی باوە گوڕ گوڕ بۆ دەقی شانۆنامەی کوردی کە تێیدا دەقە براوەکان دەکرێن بە کتێب. یەکێکە لە جیاوازییەکانی فێستیڤاڵی ئەمساڵ بەراورد بە ساڵانی ڕابردوو.