خه‌میس خه‌نجه‌ر: قوربانیدانی پارتی لەپێناو کوردستان و عێراق لە یادناكه‌ین

ئاڤا نیوز

لە ساڵیادی دامەزراندنی پارتی و لەدایکبوونی سەرۆک بارزانی، سەرۆکی هاوپەیمانیی سیاده‌ پەیامێکی پیرۆزبایی بڵاو کردەوە، دەڵێت "قوربانیدانی پارتی لە پێناو کوردستان و عێراق لە یاد ناکه‌ین".

وێنە گەورەکە: 78 ساڵ لەمەوبەر و لە ساڵی 1946 پارتی دیموکراتی کوردستان دامەزرا، هاوکات سەرۆک بارزانیش لە سابڵاغی ڕۆژهەڵاتی کوردستان لەدایک بوو.

ڕاگەیێنراوی فەرمی: خه‌میس خه‌نجه‌ر، سەرۆکی هاوپەیمانیی سیاده‌ لە پەیامەکەیدا ڕایگەیاند: لە 78 ەمین ساڵیادی دامەزراندنی پارتی، پیرۆزبایی لە سەرۆک بارزانی و کادیر و ئەندامان و لایەنگرانی پارتی دەکەین.

زانیاریی زیاتر: پارتی له‌پێناو دیموکراتی و خوشگوزه‌رانی گه‌لانی عێراق و کوردستان به‌رده‌وام لە خەباتدا بووە، سه‌رۆک بارزانیش سیمبولی خەباتی سیاسی گه‌لی کوردستانه‌.