عێراق داواکارییەکی ئۆپیک ڕەتدەکاتەوە

ئاڤا نیوز

عێراق داواکارییەکی ئۆپیک بۆ کەمکردنەوەی بەرهەمهێنانی نەوت ڕەتدەکاتەوە، جێگری سەرۆکی لیژنەی نەوتیش لە پەرلەمان دەڵێت، 95%ی داهاتی وڵات پشت بە نەوت دەبەستێت و داواکارییەکەی ئۆپیک زیان بە ئابووری عێراق دەگەیەنێت.

وێنە گەورەکە: ڕێکخراوی ئۆپیک لە ڕاپۆرتی مانگانەی خۆیدا ئاشکرای کردووە، پشکی ڕێگەپێدراوی عێراق بۆ هەناردەی نەوت چوار ملیۆن بەرمیل نەوتی ڕۆژانەیە، بەڵام مانگی ڕابردوو ئەو وڵاتە ڕۆژانە چوار ملیۆن و 250 هەزار بەرمیلی هەناردەکردووە، لەکاتێکدا بەڵێنی دابوو هەناردەی ئارەزوومەندانەی نەوت کەمبکاتەوە.

لێدوانی فەرمی: یاسر حوسێنی، جێگری سەرۆکی لیژنەی نەوت لە پەرلەمانی عێراق لە چاوپێککەوتنێکدا ڕایگەیاند، داواکارییەکەی ئۆپیک بۆ کەمکردنەوەی بەرهەمهێنانی نەوت زیان بە ئابووری عێراق و پڕۆژە خزمەتگوزارییەکان دەگەیەنێت، بۆیە داوایان کردووە حکومەت بۆ زیادکردنی بەرهەمهێنانی نەوت گفتوگۆ لەگەڵ ڕێکخراوەکەدا بکات.

هۆکارە زانراوەکان: بەگوتەی ئەو پەرلەمانتارە، داواکارییەکەی ئۆپیک لەژێر فشاری ئەمریکادایە بۆ ناچارکردنی حکومەتی عێراق بۆ ئەوەی بچێتە ژێرباری داواکارییەکانی، لەوانەش هەڵوەشاندنەوەی حەشدی شەعبی.