ڕەنگە جیاوازەکان چ هەستێک بە مرۆڤ دەبەخشن؟

ئاڤا نیوز

پزیشکانی پسپۆر ئاماژە بەوە دەکەن، پەیوەندییەکی بەهێز لە نێوان ڕەنگەکان و هەستی مرۆڤدا هەیە و، ڕەنگەکان کاریگەرییان لەسەر ڕەفتار و هەستەکاندا هەیە.

بڵاوکراوەی فەرمی: د. سەلام عاشوور، پسپۆڕی دەروونی دەڵێت: "لەڕاستیدا پەیوەندییەکی بەهێز لە نێوان ڕەنگەکان و هەستەکانی مرۆڤدا هەیە. ئەم پەیوەندییە بە دەروونناسی ڕەنگ ناسراوە، چونکە دەتوانێت بە شێوازی جیاواز کاریگەری لەسەر باری دەروونیمان هەبێت".

ئەوەی پێوستە بیزانیت: ڕەنگە گەرمەکانی وەک سوور و پرتەقاڵی و زەرد، دەتوانن هەستی ئەرێنی، دڵخۆشی و گەشبینی زیاد بکەن، ڕەنگە فێنکەکانی وەک شین و سەوز دەتوانن هەستی ئارامی و پشوودان زیاد بکەن، ڕەنگەکانی وەک سپی و ڕەش دەتوانن هەستی هاوسەنگی و هێمنی زیاد بکەن.

ئەمەش بزانە: ڕەنگی جلوبەرگ ڕێگەیەکی باشە بۆ نیشاندانی کەسایەتیت، ئەگەر ڕەنگی گەش لەبەر بکەیت ئەوا سەرنجڕاکێش دەردەکەویت، ئەگەر بتەوێت زیاتر پرۆفیشناڵ دەربکەویت، دەتوانیت ڕەنگی کاڵ لەبەربکەیت.