گوتەبێژی حکومەت: دامەزراندنی 500 کەس بۆ هەڵەبجە گەیشتووەتە قۆناغی کۆتایی

ئاڤا نیوز 

 

گوتەبێژی حکومەتی هەرێمی کوردستان ئاماژە بەوە دەدات، پڕۆسەی دامەزراندنی 500 کەس بۆ پارێزگەی هەڵەبجە لە قۆناغی کۆتایی دایە و ئەو ناوانەی داوای دامەزراندنیان کردووە، بەگوێرەی خاڵبەندی دۆسیەکانیان وەرگیراون.

 

وێنە گەورەکە: سەرۆکوەزیران بارزانی 22ـی 2ـی ئەمساڵ لە سەردانێکیدا بۆ پارێزگای هەڵەبجە،  کۆمەڵێک بڕیار و پرۆژەی گرنگی پێشکەش بە شارەکە کرد، یەکێک لەوانە دامەزراندنی 500 کەس بوو.

 

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان ڕایگەیاند: "لەکاتی ڕاگەیاندنی ناوەکان هەر داواکارە و  خاڵەکانی خۆی و هۆکاری دامەزراندنەکەی دەخرێتە بەردەستی، ئەم پرۆسەیە تەواو ڕوون(شەفاف) دەبێت و هیچ دەستوەردانێکی حیزبی تێیدا قبوڵکراو نەبووە".

 

ئەوەی پێویستە بیزانیت: ئەو فەرمانبەرانە دابەشی سەر فەرمانگەکانی سنووری پارێزگای هەڵەبجە دەکرێن.