وەزیری دارایی: دەرگامان بەڕووی بەغدا کراوەیە بۆ چارەسەرکردنی کێشەی مووچە

ئاڤا نیوز 

 

وەزیری دارایی و ئابووریی هەرێمی کوردستان لەگەڵ شاندێکی دیوانی چاودێریی دارایی عێراق و هەرێمی کوردستان کۆبووەوە و ئاماژەی بەوە دا، کە هەماهەنگییان لەگەڵ چاودێریی دارایی بۆ چارەسەرکردنی کێشەی مووچە هەیە.

 

وێنە گەورەکە: بەپێی یاسای بودجەی 2024 هەموو سێ مانگ جارێک پێویستە لیژنەیەکی چاودێریی دارایی سەردانی هەرێمی کوردستان بکات، وردبینی لە خەرجی، داهات، لیستی مووچە و میلاکات لە مانگی دووەمی ساڵی 2024 دەکەن.

 

ڕاگەیێنراوی فەرمی: لە ڕاگەیێنراوی وەزارەتی دارایی هاتووە، "لە ماوەی دووساڵی ڕابردوودا هەماهەنگی و پەیوەندی بەردەواممان لەگەڵ تیمە هاوبەشەکانی چاودێری دارایی هەبووە لە پێناو چارەسەرکردنی کێشەو گرفتە هونەری و تەکنیکیەکانی تایبەت بە خەرجی، داهات، لیستی مووچە و میالاکات بەردەوام دەرگای وەزارەت و بەڕێوبەرایەتیەکانمان بەڕویاندا کراوە بووە".

 

بۆچوونی لایەنی بەرامبەر: دیوانی چاودێری دارایی عێراق ئاماژەیان بە پشتیوانی و هەماهەنگی وەزارەتی داراییان کرد، کە بەردەوام لەسەر هێڵ بووە بۆ چارەسەری ئەو کێشە و گرفتانەی لە بواری ژمێریاری، بودجە و داهات و خەرجییەکان لەنێوان حکومەتی هەرێمی کوردستان و حکومەتی فیدراڵدا هەبووە.