ئەمریكا نزمترین ئاستی پێوانەیی ڕێژەی منداڵبوون تۆماردەكات

ئاڤا نیوز 

بەپێی داتاكانی سەنتەری كۆنترۆڵكردن و خۆپاراستن لە نەخۆشییەكانی ئەمریكا، ژنان لە ئەمریكا كەمتر منداڵیان دەبێت و ڕێژەی منداڵبوون لە ساڵی 2023دا گەیشتە نزمترین ئاستی پێوانەیی.

چیرۆكی سەرەكی: ڕێژەی منداڵبوون لە ئەمریكا بۆ دەیان ساڵە بەرەو دابەزین دەڕوات، بەتایبەتی دابەزینی بەرچاو لەدوای پاشەكشەی دارایی گەورەی ساڵی 2008، بەڵام بەهۆی(كۆڤید 19)ەوە جارێكی دیكە ڕێژەی منداڵبوون لە ساڵی 2021دا بەرزبووەوە.

زانیاریی زیاتر: بەپێی ئەو زانیارییە كۆتاییانەی، ئەمڕۆ لەلایەن سەنتەری نیشتمانی ئاماری تەندروستی CDC بڵاوكراونەتەوە، لە ساڵی 2023دا بەراورد بە ساڵی پێشووتر ڕێژەی منداڵبوون لە ئەمریكا بەڕێژەی 3% زیاتر دابەزیوە.

كاریگەری و لێكەوتەكان: هەر بەپێی ئاماری سەنتەرەكە، ساڵی ڕابردوو نزمترین ئاستی مێژوویی تۆماركراوە، كە نزیكەی 55 لەدایكبوون بووە بۆ هەر 1000 مێینەیەكی تەمەن 15 بۆ 44 ساڵ، ساڵی ڕابردوو كەمتر لە 3.6 ملیۆن منداڵ لەدایكبوون، كە بەگشتی نزیكەی 68 هەزار منداڵ كەمترە لە ساڵی پێشووتر.