ئەعرەجی: سوپای عێراق و پێشمەرگە بۆ سەقامگیریی قوربانییان داوە

ئاڤا نیوز

ڕاوێژکاری ئاسایشی نیشتمانیی عێراق، جەختدەكاتەوە " عێراق مەترسی بۆ سەر هیچ وڵاتێک دروست ناکات و خۆی لە هەر ململانێیەک دوور دەخاتەوە".

وێنە گەورەکە: قاسم ئەعرەجی، ڕاوێژکاری ئاسایشی نیشتمانی عێراق بەشداری کرد لە کۆبوونەوەی نێودەوڵەتی بۆ چالاکییەکانی ڕۆژی جیهانی بەرەنگاربوونەوەی توندڕەوی کە لە نیویۆرک بەڕێوەچوو، جەختی لەوە ڕووبەڕووبوونەوەی تیرۆر و پاراستنی دەستکەوتەکان کردەوە.

لێدوانی فەرمی: سوپا، پۆلیسی فیدراڵی، حەشدی شەعبی، لەگەڵ پێشمەرگە و عەشیرەتەکان، هەموو خەڵکی عێراق لە پێناو سەقامگیری ئاسایشی وڵاتەکە قوربانییان داوە. قاسم ئەعرەجی لە گوتارەکەی ئەوەی ڕاگەیاند.

ڕاوێژکاری ئاسایشی نیشتمانی عێراق، نیگەرانی وڵاتەکەی سەبارەت بە دۆخی غەززە دووپاتدەکردەوە و  ئاماژەی بەوەکرد " پێویستە کۆمەڵگەی نێودەوڵەتیی ئەو کۆمەڵکوژییانە ڕابگرێت سەروەری بۆ گەلی فەڵەستین بگەڕێنرێتەوە".