دەوڵەت باخچەلی: مووچەی 59 پەرلەمانتاری دەم پارتی ببڕن

ئاڤا نیوز 

دەوڵەت باخچەلی، سەرۆکی پارتی مەهەپە پێی وایە خەزێنەی دەم پارتی بۆ خەرجی پەکەکە دەڕوات، بۆ ئەمەش پێشنیاز دەکات "مووچەی پەرلەمانتارەکانیان ببڕن بۆ ئەوەی سەرچاوەی دارایی پەکەکە نەمێنێت".

وێنە گەورەکە: دەوڵەت باخچەلی یەکێکە لەو سەرۆک پارتانەی دژایەتی دەم پارتی دەکات، ئەوان بە پاڵپشت و سەرچاوەی دارایی پەکەکە دادەنێت.

لێدوانی فەرمی: دەوڵەت باخچەڵی ڕایگەیاند:" بۆ بەرەنگاربوونەوەی تیرۆر سەرەتا دەبێت مووچەی ئەو 59 پەرلەمانتارەی دەم پارتی ببڕێت و بدرێت بە خێزانی شەهیدەکانمان کە بەدەستی پەکەکە کوژراون".

ژمارەکان وا دەڵێن: مووچەی ساڵانەی ئەو پەرلەمانتارانەی دەم پارتی 116 ملیۆن و 280 هەزار لیرەیە، مووچەی 171 ڕاوێژکاری پەرلەمانی سەر بە دەم پارتی 133 ملیۆن و 380 هەزار لیرەیە، دەم پارتی لە ساڵی 2024 بڕی 658 ملیۆن لیرەی  وەک هاوکاری لە خەزێنەی دەوڵەت وەرگرتووە، کۆی گشتی ئەو بڕەی دەم لە ساڵێکدا لە دەوڵەتی تورکیا وەریدەگرێت دەگاتە 940 ملیۆن لیرە.