وادەی بانگەشەی هەڵبژاردنی پەرلەمانی کوردستان دیاری کرا

ئاڤا نیوز

 

وادەی دەستپێکردنی بانگەشەی هەڵبژاردنی پەرلەمانی کوردستان  دیاری کرا، لە ناوەڕاستی مانگی نۆ دەستپێدەکات و 32 ڕۆژ بەردەوام دەبێت.

 

وێنە گەورەکە: کەمتر لە دوو مانگ ماوە بۆ بەڕێوەچوونی هەڵبژاردنی خولی شەشەمی پەرلەمانی کوردستان و کۆمیسیۆنی سەربەخۆی هەڵبژاردنیش لە ئامادەکارییەکان بەردەوامە.

لێدوانی فەرمی: د. عیماد جەمیل، سەرۆکی تیمی ڕاگەیاندنی ئەنجوومەنی کۆمیسیاران بە ئاڤا نیوزی ڕاگەیاند: "ڕۆژی 16-09-2024 بانگەشەی هەڵبژاردنی پەرلەمانی کوردستان دەستپێدەکات و ڕۆژی 17-10-2024 کاتژمێر 6 ـی ئێوارە تەواو دەبێت."

ئەوەی پێویستە بیزانیت: ڕۆژی 18-10-2024 بەبەشداری 215  هەزار و 960 کەس دەنگدانی تایبەت بەڕێوەدەچێت، دوو ڕۆژ دواتر 20-10-2024 دەنگدانی گشتیی بە بەشداری دوو ملیۆن و 683 هەزار و 618  دەنگدەر، دەنگدانی گشتیی دەکرێت.