توركیا وردەكاریی ڕێككەوتنی ئەمنی لەگەڵ عێراق بڵاودەكاتەوە

ئاڤا نیوز 

وەزارەتی بەرگریی تورکیا ناوەڕۆکی ئەو ڕێککەوتننامەیە ئاشکرادەکات  کە لە دوایین کۆبوونەوەی شاندی ئەمنیی تورکیا و عێراق واژۆکراوە، بەپێی ڕێککەوتنەکە ناوەندێکی هاوبەشی ئەمنیی بۆ " ڕاهێنانی سەربازی" لە نێوان بەغدا و ئەنقەرە پێک دەهێنرێت.

وێنە گەورەکە: هەفتەی ڕابردوو، چوارەم کۆبوونەوەی شاندی ئەمنیی نێوان وەزارەتی دەرەوە و بەرگریی عێراق و تورکیا لە ئەنقەرە کرا، بە ئامانجی ڕێککەوتن لەسەر پرسە ئەمنییەکان.

ڕاگەیێنراوی فەرمی: وەزارەتی بەرگریی تورکیا ڕایگەیاند:"ئامانجمان لەو هەنگاوانە نەهێشتنی ئەو مەترسیانەیە کە ڕێکخراوە تیرۆریستییەکان یان ڕێکخراوە قەدەغەکراوەکان بۆ سەر سەروەری و ئاسایش و ئاسایشی ناوچەیی دوو وڵات دروستی دەکەن".

ڕێككەوتنەكە بەمشێوەیەیە: "یاداشتەكە "ڕاهێنانی سەربازی و جێبەجێکردنی یاسا، شەڕی ڕێکخراوە تیرۆریستییەکان، ئاسایشی سنووری هاوبەش، بەرەنگاربوونەوەی کۆچ و دزەکردنی ناڕێک لە ڕێگەی سنوورە هاوبەشەکانەوە، بەرەنگاربوونەوەی قاچاخچێتی و تاوانی ڕێکخراو، ئاڵوگۆڕی هەواڵگری و زانیاریی و هاوکاری لە بواری سەربازی" لەخۆدەگرێت.