دوای ئەوروپا کەنەداش دژایەتی ئۆتۆمبێلی کارەبایی چینی دەکات

ئاڤا نیوز

  
دوای ئەوەی یەکێتیی ئەوروپا پێناسی گومرگی بەسەر ئۆتۆمبێلی کارەبایی چینی سەپاند، کەنەداش رایگەیاند، پێناسی گومرگی سەر ئۆتۆمبێلی کارەبایی چینی بۆ 100٪ زیاد دەکەن. 

 

وێنە گەورەکە: هەناردەی ئۆتۆمبێلی کارەبایی چینی بۆ وڵاتان لە فراوان بوونە، بە جۆرێک، هاوردەی ئۆتۆمبێلی چینی لە گەورەترین بەندەری ڤانکۆڤەر بەڕێژەی 460٪ بەراورد بە ساڵی رابردووی زیادیکردووە.  

لێدوانی فەرمی: حکومەتی کەنەدا رایگەیاند، پێناسی گومرگی سەر ئۆتۆمبێلی کارەبایی چینی بۆ 100٪ بەرزدەکەنەوە، هەروەها پێناسی هاوردەی ئاسن و ستیلی چینی بۆ 25٪ بەرزدەکەنەوە.

هۆکارە زانراوەکان: وڵاتان حکومەتی چین بە پاڵپشتی کردنی پیشەسازی ئۆتۆمبێلی چینی تۆمەتبار دەکەن. بەو هۆیەوە کەنەدا بڕیاریداوە لە سەرەتای مانگی تشرینی یەکەمی داهاتووەوە بڕیاری بەرزکردنەوەی پێناسی گومرگی دەچێتە بواری جێبەجێکردنەوە. 

بۆچوونی لایەنی بەرامبەر: باڵیۆزخانەی چین لە کەنەدا ڕەخنەی لە حکومەتی وڵاتەکە گرت و دەڵێت سیاسەتی خۆپارێزی پەیڕەو دەکات، کە ئەمەش دژی بنەمای یاساکانی رێکخراوی بازرگانی جیهانییە. 

ئەوەی پێویستە بیزانیت: مانگی ئایار واشنتن پێناسی گومرگی سەر ئۆتۆمبێلی کارەبایی چینی بەڕێژەی 100٪ بەرزکردەوە. مانگی رابردووش یەکێتی ئەوروپا بڕیاریدا پێناسی گومرگی بۆ سەر هاوردەی ئۆتۆمبێلی چینی بەڕێژەی 36.3٪ بەرزبکاتەوە.