ئەگەری هەیە بانگەشەی هەڵبژاردن بەر لە کاتی دیاریکراوی خۆی دەستپێبکات

ئاڤا نیوز 

 

بەهۆی دەستپێکردنی لەلایەن بەربژێر و لایەنە سیاسییەکان، كۆميسیۆن تاوتوێی پێشخستنی بانگەشەی هەڵبژاردنی پەرلەمانی کوردستان بەر لەوادەی خۆی دەکات. 

 

وێنە گەورەكە: 20-10-2024، هەڵبژاردنی پەرلەمانی كوردستان بەڕێوەدەچێت و بە بڕیاری كۆمسیۆن 16-9-2024 بە فەرمی بانگەشە دەستپێدەكات.

 

هۆكارە زانراوەكان: ئاڤا نیوز زانیویەتی بەشێک لە بەربژێر و لایەنە سیاسییەکان بە ناڕاستەوخۆ بانگەشەیان دەستپێكردووە، بۆیەش کۆمسیۆن دەیەوێت وادەی دەستپێکردنی بانگەشە پێشخات. 

 

لێدوانی فەرمی: خالید عەباس، بەرپرسی ئۆفیسی دهۆكی كۆمیسیۆن بە ئاڤا نیوزی گوت: زۆرینەی ئامادەكارییەكان تەواو کراون و هەریەک لە وەزارەتی ناوخۆ و دەستەی دەستپاكی وردبینیان لە ناوی بەربژێرەكان كردووە و بۆ كۆمیسیۆنیان ناردووەتەوە.

 

زانیاریی زیاتر: ئێستا سەرقاڵی دوا وردبینییە و ئەگەری ئەوە هەیە وادەی دەستپێكردنی بانگەشە پێشبخرێت، عەباس وای گوت. 

 

لەلایەكی دیكەو: هۆگر چەتۆ، سەرۆكی تۆڕی شەمس بۆ چاودێریی هەڵبژاردن بە ئاڤا نیوزی گوت: ئێستا لایەن و بەربژێرەكان بە ناڕاستەوخۆ دەستیان بە  بانگەشە كردووە، ئەگەری هەیە ببێتە هۆی ئەوەی كۆمیسیۆن وادەی دەستپێكردنی بانگەشە پێشبخات، ئه‌مه‌ش ئاساییه‌.