عێراق ساڵانە بە بڕی 50 ملیار دۆلار کاڵا هاوردە دەکات

ئاڤا نیوز

 

وەزارەتی پلاندنانی عێراق ئاشکرای کرد ساڵانە بە بڕی 50 ملیار دۆلار کاڵا و کەلوپەلی جۆراوجۆر لە چەندین وڵات هاوردە دەکات.

 

وێنە گەورەکە: عێراق بۆ پڕکردنەوەی پێداویستی خۆی لە بەرهەمە جۆراوجۆرەکان پشت بە وڵاتانی دەرەوە دەبەستێت و ساڵانە ملیاران لەم بوارەدا خەرج دەکات.

 

لێدوانی فەرمی: عەبدولزەهرە هنداوی، گوتەبێژی وەزارەتی پلاندانانی عێراق ڕایگەیاند: عێراق کاڵا و کەلوپەل لە چەندین وڵاتدا هاوردە دەکات لەوانەش کەلوپەلی خۆراکی جۆراوجۆر، کەلوپەلی کارەبا، بیناسازی، ئەندازیاری، کیمیایی، کشتوکاڵی، پزیشکی، پێداویستی تەندروستی و ئۆتۆمبێلیش.

 

زانیاریی زیاتر: عێراق هاوردە لەو وڵاتانە دەکات: ئوردن، تورکیا، ئێران، سعودیە، ئیمارات، چین، هیندستان، ژاپۆن، بەرازیل، ئەمریکا و ژمارەیەک وڵاتانی ئەوروپی.

 

ئەوەی پێویستە بیزانیت: بەگوێرەی کۆمپانیای “Stastista” کە کۆمپانیایەکی ئەڵمانییە و تایبەتە بە بازاڕی جیهانی و داتاکانی بەکاربەر، عێراق لە ساڵی 2023 بە بەهای زیاتر لە 95 ملیار دۆلار کاڵە و کەلوپەلی هاردە کردووە.