لە تلسقۆف نارنجۆکێک لە سەنگەرێکی پێشمەرگەدا تەقییەوە

ئاڤا نیوز

بەهۆی تەقینەوەی نارنجۆکێک بەهەڵە لەدەستی کەسکێدا لە سەنگەرێکی پێشمەرگە، کەسێک گیانی لەدەست دا و دوو پێشمەرگەش بریندار بوون.

چیرۆکی سەرەکی: ئەمڕۆ چوارشەممە کەسێک بە ناوی (دیفاع  گولی) لە زاخۆوە سەردانی چەند هاوڕێیەکی پێشمەرگەی کردووە لە میحوەری تلسقۆف، بەڵام سەردانەکەی بە ڕووداوێکی خەمناک کۆتاییهات و نارنجۆکی لەدەست تەقییەوە.

لێدوانی فەرمی: سەرچاوەیەک لە هێزەکانی پێشمەرگە بە ئاڤا نیوزی ڕاگەیاند، بەهۆی دەستکاریکردن نارنجۆکەکەی لەدەست تەقیوەتەوە، بەهۆیەوە خۆی گیانی لەدەست داوە، دوو پێشمەرگەش بریندار بوون و برینەکانیان سەختە.

 

ئەمەش بزانە: ڕووداوەکە لە نێوان تلعەدس و منارە ڕوویداوە لە میحوەری تلسقۆف، کە  سەر بە قەزای تلکێفە لە پارێزگای نەینەوا و دەکەوێتە  سنووری ماددەی 140.