ئیدارەی گەرمیان: سبەی پێنجشەممە پشووە

ئاڤا نیوز

 

بەپێی پێشبینییەکانی کەشناسی سبەی شەپۆلێکی بەهێزی بارانبارین سنووری ئیدارەی گەرمیان دەگرێتەوە و بەهۆیەوە پشووی فەرمی ڕاگەیێنرا.

 

ڕاگەیێنراوی فەرمی: "بە لەبەرچاوگرتنی پێشبینیەکانی کەشناسیی هەرێمی کوردستان، لەپێناو سەلامەتی گیانی هاونیشتمانییان، بڕیاردرا سبەی پێنجشەممە 15-02-2024 لەسەرجەم دامودەزگاکانی سنووری ئیدارەی گەرمیان، جگە لە فەرمانگە خزمەتگوزارییەکان، پشوو بێت". ئیدارەی گەرمیان ڕایگەیاندووە.

 

لەلایەکی دیکەوە: فەرمانگەی میدیا و زانیاری بۆ ڕێگریی لە ڕووداوی نەخوازراو، داوا لە هاونیشتمانییان دەکات "لەو ناوچانەی نزمن و ئەگەری کۆبوونەوەی ئاو هەیە، دوور بکەونەوە. بۆ دووربوون لە هەورەتریشقە، سەردانی ناوچە شاخاوییەکان نەکەن. لە ڕێگا سەرەکییەکان هۆشیار بن و گەر زۆر پێویست نەبێ ڕێگە بەکار نەهێنرێت.  بە ڕێنمایی دەزگە خزمەتگوزارییەکان پابەند بن".