ئۆپەراسیۆنە هاوبەشەکان: ئێمە درۆنەکەی کەرکووکمان خستە خوارەوە

ئاڤا نیوز 

 

فەرماندەیی ئۆپەراسیۆنە هاوبەشەکانی کەرکووک بەرپرسیارێتی خستنەخوارەوەی درۆنەکەی لەئەستۆگرت و دەڵێت بێ پرس و ئاگادارکردنەوە  هاتووە بۆیە خستوویانەتە خوارەوە.

چیرۆکی سەرەکی: پێشنیوەڕۆی ئەمڕۆ پێنجشەممە درۆنێک لە گەڕەکی (تسعین)ـی شاری کەرکووک  بە دیاریکراوی پشت بەڕێوەبەرایەتی گشتیی پەروەردەی کەرکووک خرایە خوارەوە و هیچ زیانێکی گیانی نەبوو.

ڕاگەیێنراوی فەرمی: فەرماندەیی ئۆپەراسیۆنە هاوبەشەکان لە ڕاگەیێنراوێکدا ئاماژە بەوەدەدات، "درۆنەکە لە بەشی باکووری شارەکە ئاسمانی کەرکووکی بەزاند و بەبێ ئاگاداری پێشوەختە هاتبووە ناوچەکە، بۆیە خراوەتە خوارەوە."