وردەکاریی خستنەخوارەوەی درۆنەکەی کەرکووک ئاشکرا دەکرێت

ئاڤا نیوز 

هێزی بەرگریی ئاسمانیی عێراق ڕایدەگەیێنێت، دوای ئەوەی درۆنێک لە ئاسمانی کەرکووک بینراوە، بە سیستمی بەرگریی ئاسمانیی بانستیێری فەرەنسیی خستوویانەتە خوارەوە، درۆنەکەش لە جۆری ئانکای تورکی بووە. 

 

وێنە گەورەکە: لە کاتژمێر 10:25ـی بەیانیی ئەمڕۆ پێنجشەممە، لە گەڕەكی تسعینی شاری كەركووک نزیک فڕۆكەخانەی شارەكە درۆنێكی گەورە كەوتە خوارەوە.

 

ڕاگەیێنراوی فەرمی: هێزی بەرگریی ئاسمانیی عێراق ڕایگەیاند: درۆنێک لە کاتژمێر 10:00ـی بەیانی هاتووەتە ئاسمانی کەرکووک و بەگوێرەی پرۆتۆکۆڵی بەرگریی ئاسمانی بۆ ئاگادارکردنەوە مووشەکی ئاراستە کراوە، دواتر لە کاتژمێر 10:25 بە سیستمی بەرگریی ئاسمانی بانستێری فەرەنسییەوە خراوەتە خوارەوە.

 

زانیاریی زیاتر: لەکاتی پشکنینی پاشماوەی درۆنەکە دەرکەوت کە جۆری "ئەنکای تورکییە" و کەتووەتە سەر ماڵێک لە شاری کەرکووک و تەنیا زیانی ماددیی هەبووە. 

 

ئەوەی پێویستە بیزانیت: درۆنەکانی تورکیا پێشتر چەند حاڵەتێکی بەرکەوتنیان لەگەڵ بەرگریی ئاسمانی عێراق لە دەوروبەری شاری کەرکوک هەبووە و بەگوێرەی پرۆتۆکۆلی هۆشداری کشاونەتەوە.