ئاڤا نیوز کاتی دابەشکردنی مووچەی مانگی حەوت ئاشکرا دەکات

ئاڤا نیوز 

 

سەرچاوەیەک لە وەزارەتی دارایی و ئابووریی هەرێمی کوردستانەوە بۆ ئاڤا نیوز ڕایگەیاند، سەرەتای هەفتەی داهاتوو دەست بە دابەشکردنی مووچە دەکرێت.

 

لێدوانی فەرمی: سەرچاوەیەک لە وەزارەتی دارایی و ئابووی هەرێمی کورستان بە ئاڤا نیوزی گوت: هێشتا بڕیارمان نەداوە شەممە یان یەکشەممە دەست بە دابەشکردنی مووچە بکەین، بەڵام بەدڵنیاییەوە هەفتەی داهاتوودا دابەشی دەکەین، چاوەڕێی کۆبوونەوەی لیژنەکەی بەغداین بۆ ئەوەی بۆمان ڕوون ببێتەوە چەند پارە بە هەر وەزارەتێک بدەین.

 

لەلایەکی دیکەوە: جگە لەوەی دەبێت لەلایەن بەغداوە بڕی تەمویل و خانەنشینی و بڕی لێبڕینەکەمان بۆ یەکلایی ببێتەوە، سیستمی هەژماری منیش کاتی دەوێت بۆ دابەشکردنەکە.

 

زانیاریی زیاتر: بۆ مووچەی مانگی حەوت و هەشتی مووچەخۆرانی هەرێمی کوردستان، تاوەکو ئێستا بە چەند قۆناغێک بڕی 819 ملیار دینار خراوەتە سەر هەژماری بانکی هەرێمی کوردستان.

 

ئەمەش بزانە: ئەمڕۆ پێنجشەممە بەغدا، بڕى (271) مليار و (939) مليۆن ديناری مووچەی خستەسەر هەژماری بانکی وەزارەتی دارایی و تايبەته به مووچەى مانگى حەوت، تاوەکو ئێستا بەغدا بڕی 360 ملیار و 939 ملیۆن دیناری مووچەی مانگی حەوتی ڕەوانە کردووە.