ئاژانسێکی ئەمریکی دوای 20 ساڵ وێنەی کۆمەڵکوژییەک لە عێراق بڵاودەکاتەوە

ئاڤا نیوز

 

ئاژانسی نیویۆرکەر دوای 20 ساڵ وێنەی نەبینراوی قوربانییانی ئۆپەراسیۆنی حەدیسە بڵاودەکاتەوە.

 

چیرۆکی سەرەکی: کاروانێکی هێزی دەریایی ئەمریکا لە ڕێکەوتی 19-11-2005، بەناو حەدیسەی عێراقدا تێپەڕدەبێت لەناکاو بۆمبێکیان پیدا دەتەقێتەوە، لە ئەنجامدا سەربازێک دەکوژرێت و دووی دیکەش برینداردەبن، لەو کاتەدا دوو سەرباز وێنەی ڕووداوەکە دەگرن، بەڵام ماوەی 20 ساڵە ئەمریکا ڕێگەی نەداوە ئەم وێنانە بڵاوبکرێنەوە.

 

بڵاوکراوی فەرمی: هاوکات ئاژانسی نیویۆرکەری ئەمریکی زانیاری نوێ لە بارەی کۆمەڵکوژیی قوربانییانی حەدیسە بڵاودەکاتەوە و دەڵێت،  ماوەی 20 ساڵە ئەمریکا ڕێگەی نەداوە ئەم وێنانە بڵاوبکرێنەوە، دواجار ئێمە بڵاومان کردەوە و کۆمەڵکوژییەکەش بە یەکێک لە تاوانەکانی جەنگ دادەنرێت. 

 

کاریگەری و لێکەوتەکانی: دوای ڕووداوەکە هێزەکانی مارێنز ئۆپەراسیۆنێکی تۆڵەسەندنەوەیان دەست پێکرد، لە ئەنجامدا 24 هاووڵاتی عێراقی بوونە قوربانی کە بچووکترینیان تەمەنی سێ ساڵان بوو.

 

ئەمەش بزانە: لە سەرەتادا چوار سەربازی ئەمریکی تۆمەتبارکران، بەڵام دواتر تۆمەتی سەر ئەو سەربازانە هەڵوەشێندرایە، یەكێک لەو تۆمەتبارانە جەیمس ماتیز بوو کە دواتر بوو بە وەزیری بەرگریی ئەمریکا.